Leiðbeiningar

A Inngangur

Meginreglur eru ávallt ófrávíkjanlegar en viðmiðunarreglur eru frávíkjanlegar ef sýnt er fram á að aðgengi og öryggi sé tryggt með jafngildum hætti og meginregla viðkomandi ákvæðis uppfyllt. Í slíkum tilvikum skal hönnuður skila með hönnunargögnum greinargerð þar sem gerð er grein fyrir því og rökstutt með hvaða hætti meginregla ákvæðisins er uppfyllt og aðgengi og öryggi tryggt.

B Meginreglur

• 1. töluliður 6.4.4 gr.: Breidd ganga og annarra umferðarleiða skal anna þeirri umferð sem um þá fer, svo sem gangandi, hjólastólar, vöruflutningar, búslóðaflutningar, sjúkraflutningar og svo framvegis.
• 4. töluliður 6.4.4 gr.:
  • a. Gönguleiðir sem eru 1,5 m að breidd nægja fyrir hjólastól og gangandi að mætast ogduga fyrir um 80 % hjólastólanotenda til að snúa á gönguleiðinni.

• b. Innan íbúða skal tryggt snúningssvæði/ athafnasvæði fyrir hjólastól, minnst 1,50 m x 1,50 m eða 1,30 m x 1,80 m framan við hurðir og a.m.k. 1,30 m x 1,30 m í íbúðum minni en 55 m².

• c. Anddyri skulu vera með nægjanlegu snúningssvæði fyrir hjólastóla sbr. 4. Málsliðar d-liðar. Í íbúðum sem hannaðar eru á grundvelli algildrar hönnunar er ekki æskilegt að uppfylla hljóðvistarkröfur með tvöfaldri hurð þar sem þær eru erfiðar í notkun fyrir hreyfihamlaða (önnur hurðin opnast út og hin inn). Það er betra að uppfylla hljóðvistarkröfur með anddyri.

C Viðmiðunarreglur

• 1. töluliður 6.4.4 gr.: Umferðarbreidd að lágmarki 1,80 m annar mikilli umferð og tveir hjólastólar geta mæst á henni. Á löngum umferðarleiðum er æskilegt að hafa leiðarlínur fyrir blinda og sjónskerta.

• 2. töluliður 6.4.4 gr.: Mjög mikilvægt að vera með mætingarsvæði á göngum mjórri en 1,30 m því það er lágmarksbreidd til að þeir geti snúið við.

• 3. töluliður 6.4.4. gr.: Gera skal ráð fyrir leiðarlistum fyrir blinda og sjónskerta í opnum rýmum. Sjá nánar í leiðbeiningu nr. 6.2.2.

Yfirlit yfir breytingar sem gerðar hafa verið á leiðbeiningunni: